Karnataka inthlanpui tun thla ni 12-a neih turah BJP leh Congress hruaitu lawk ten campaign beihpui an thlak chho zel

Karnataka inthlanpui tun thla ni 12-a neih turah BJP leh Congress hruaitu lawk ten campaign beihpui an thlak chho zel a, Kalburgi-a vantlang inkhawmah thu sawiin, Prime Minister Narendra Modi chuan Karnataka mipuite chu \halaite tana khawvel thar siam tur te, loneitute tana ham\hatna thlen tur te leh hmeichhiate himan tur te-a BJP vote turin a sawm. Modi chuan Karnataka congress sorkar chu Central sorkarin hmasawnna tura ruahmanna lian tham tak tak a duan te chhawr \angkai duh lovah a puh a, Fasal Bima Yojana hnuaiah loneitu mi nuai 14 zetin hamthatna cheng vbc 1100 an dawng a, Karnataka state sorkar chuan he programme hi loneituten an chhawr theihna turin hma a la \ha tawk lo a ni a ti. Yeddyurappa kaihhruai sorkar a lo ding a nih chuan loneituten harsatna an tawhte sukiangin, an chanvo dik tak pek an ni ngei ang a ti a, Congress party chuan martyr te an zah lo a, zalenna sualtute pawh an zah hek lo a ni a ti bawk. Congress President Rahul Gandhi pawhin Bidar, Kalburgi, Dharwad leh Gadag District ah te Campaign beihpui a thlak a, vantlang inkhawm ah thu sawiin, mipuite chu hmasawnna tura congress vote turin a sawm a ni. Karnataka hi tun thla ni 12-a inthlang tur a ni a, Assembly member 224 an thlang dawn a, vote hi ni 15 khian chhiar a ni ang.