Heng pawisa te hi hmun hran hranah thuhruk a ni a, Bengaluru leh Tumakuru-ah hmun 30 an dap tawh a, hmun dang an la dap chhunzawm leh mek bawk a ni.
Heng sumte hi medical entrance exam-na kaihhnawiha dik lo taka sum tih chingpen nia hriat a ni a, medical seat chang lote tan seat khat cheng nuai 50 a\anga nuai 60 inkarin an hralh nia sawi a ni a, Income Tax Deptt. tarlan danin medical admission tihdan pangngai ang ni lovin documents dik lo hman tam tak hmuhchhuah a ni bawk.
Hei bakah hian Parameshwara unaupa fapa, Anand leh Siddhartha te pawh dap zingah hian an tel a, Parameshwara chuan Income Tax Deptt.-in an dap chu pawi a tih loh thu leh hmuh chhuah an neih pawhin a sawifiah theih tur thu a sawi.
