FIR-a Anand-a’n a sawidan chuan Bengaluru-a Eagleton resort-ah Congress hotu pahnihte hi an room-a a let leh lamah Ganesh-a hian Anand-a chu election laia sum lamah a puihloh chhan zawtin Anand-a vahpa Sandeep-a chu thahah a vau niin a sawi a, chhungkaw thil a sawi luh chhan a zawh let chuan Ganesh-a chuan kutthlakin thing tum leh pangpar pot te hmangin vuain a vawm bawk niin a sawi a, bangah a lu te nawr chilhin silai-a kah hlumah a vau bawk a, a pum leh hmaiah te a pet bawk tih a sawi. Anand Sigh-a chuan Ganesh-a hian thah tumin a bei a ni tiin a nunna tan a hlauhthawnawm a ni a ti a, IPC section 323, 324, 307, 504 leh 506 hnuaiah Ganesh-a lakah hian FIR a thehlut a ni. Anand Singh-a hi damdawi inah enkawl a ni a, a lu, a hmai leh a awm vei lamahte hliam a tuar a ni.
JN Ganesh-a chuan Anand-a puhna te chu a pha a, amaherawhchu resortah khan thil dik lo chu a thleng a ni tiin, Anand-a chhungte hnenah media kaltlangin ngaihdam a dil a ni.
Party chuan Deputy Chief Minister G Parameshwara, Minister KJ George leh Krishna Byre Gowda te chu he thil thleng chiang zawka zirchiang turin a ruat a ni.
