Congress – JDS \angdun hian vote 99 chauh hmuin, BJP-in vote 105 an hmu a, BS Yeddyurapp kaihhruai BJP-in sorkarna a siam dawn ta a ni. Member 225 awmna, Karnataka Assembly-ah hian sorkar fiah tura vote thlaknaah member 20 an tel lo a ni.
Congress leh JDS \angdun sorkar MLA 16 ten banna an thehluh avangin sorkar lai hi thlu mai thei dinhmunah a ding a, MLA lungawiloten banna an thehluh Speaker-in a ngaihtuah duh lo nia puhna avangin Supreme Court-in Speaker chu thutlukna siam vat turin a ti a, Speaker chuan anmahni duh thua bang nge an nih, tih luihna avangin tih finfiah phawt a duh avangin hun rei tak banna lehkha chu a ti khawtlai a, hemi hnu hian Assembly-a sorkar fiahna neih tura tih pawh a ti khawtlai bawk a, BJP chuan ni khat thil thua zawh vek theih a nih laia, speaker in a ti khawtlai chu an ngaihdan a ni lova, lungawi loin House an lo chhuahsan tawh a ni.
Chief Minister ni lai, HD Kumaraswamy chuan an party phatsantute chu engtikmahah an party-ah lawmluh an ni ngai tawh lovang a ti a, Congress thupuangtu Siddaramaiah chuan twitter-ah sorkar fiahnaa MLA 16 te an tel lo chu ram rorelna dan an bawhchhia a ni tih a tarlang a ni.
Banna an thehluh hnuah MLA lungawi lote hi Mumbai hotel-ah an inkhuar a, state assembly-a an tel tawh loh tur thu an sawi a ni.
