BJP hruaitu, Chief Minister vawi thum lo ni tawh, Yeddyurappa hi kum 75 mi ni tawh mahsela, Chief Minister a nih leh ngei rin a ni. Yeddyurappa leh a fapa Vijayendra te chu Delhi-ah BJP President Amit Shah hmu turin an kal a, BJP member \henkhatin an \awiawm a ni.
Vijayendra chuan Amit chu an party hruaitu hlunten an hmu dawn a, amah chu ama mimal thila kal ve chauh a nih thu a sawi. Yeddyurappa \awiawmtu zinga mi Arvind Limbavali chuan sorkar thar din tura sorkar laipui hotute inkaihhruai dan zir turin Delhi an pan niin a sawi.
Hetihlai hian Congress-JDS tangdun sorkara lungawilo MLA banna thehluttu mi 16 te chu an party an phatsan vanga Speaker-in an chungthu a ngaihtuah chuan BJP sorkarah Minister an ni thei nghal dawn lova, MLA a\anga bantir an nih chuan inthlannaah a chuh nawn leh a ngai dawn a ni.
