Aviation ministry chuan hriselna derthawng, kum upa lam leh raipuarte chu thlawhnaa zin pumpelh tum hram hram turin a chah a ni.
Hetihlai hian \umhmuna hman tur dan thar duan a ni bawk a, \umhmun counter-ah check-in nei lovin web check-in neih a ni thung ang a, hri len chhung sorkarin thlawhna ticket man a bituk chu airlines te zawm tura tih an ni a, thlawhnaa zin turte chuan Aarogya Setu an nei tur a ni a, kum 14 hnuai lam tan erawh Aarogya Setu hi neih a ngai lo a, hmaituamna hmang ngei ngei tura tih an ni bawk.
Thlawhnaa thlawh chhung hian ei leh in tur airlines-in a tumsak dawn lo va, hei bakah hian check-in bag chauh phal a ni a, chanchinbu emaw, magazine emaw thlawhna chhungah lakluh theih a ni lovang a, thlawhna thlawh chhuah hma darkar 2 vel la awmah zin turte chu inreport tura tih an ni a, coronavirus kai awm tamna hmuna awm te chu zin lo tura hriattir an ni. Zin tur te reng reng |umhmunah thermal screening neih a ni ang a, an baggage tan electronic receipt thawn an ni ang a, social distancing chu zawm ngei ngei tura tih a ni.
Hetihlai hian Indian Airlines pathuma executives te chuan thlawhna service leh tawh tura sorkarin ruahmanna a siam chu thlir hovin, airlines tam zawkin June ni 1 thleng thlawhna ticket pek chhuah an titawp lailawk a, sorkar laipuiin thlawhna service tir leh tur thu a puan hma thleng khan engtik hunah nge an service leh theih ang tih chu an thlir reng tih an sawi a, Asia rama hri darh chakna ber rama thlawhna a service leh tawh tur chu mi tam tak mak tih a tling a ni an ti.
Hetihlai hian Railways Minister, Piyush Goyal pawhin India-in nunphung pangngai a zawh leh \an a ngai tawh tih sawiin, rel tam zawk service \an tir a ni dawn tih a sawi.
