Trump chuan inremna tura ruahmanna a neih chu Palestine ten an helh viau mai thei a, mahse an tan \hatna tam tak a thlen dawn a ni a ti a, a ruahmanna chuan a takin hna a thawk dawn a ni a ti bawk.
Trump hian karleh Thawhlehni khian White House-ah Netanyahu a kawm dawn a, hemi hnu hian Netanyahu-a elpui, Benny Gantz pawh a kawm bawk ang.
Middle East-a remna leh muanna a awm theih nana Trump-a ruahmanna hi a chhuah hma hauh a\angin Palestine chuan dodalin a hnawl a, Trump chuan Palestine te hmin nan mithiam tak tak te hmangin Palestine sorkar te a dawr tawh a, a intahtawla hmin zel a tum a ni.
Hetihlai hian Palestine President, Mahmoud Abbas-a thupuangtu Nabil Abu Rudeineh chuan Israel leh US te chu an huang chin pela chet la lo tura vau an nih tawh thu a sawi bawk.
