Tabrez Ansari hi motorcylce rua puh a ni a, mipuiten rawng taka sawisain Jai Shri Ram, Jai Hanuman ti te in an au luih tir bawk a ni. Hemi hnu hian thuneitute hnenah hlan ni mahse, lung ina dahluh a nih a\anga a ni 4naah a thi a ni. Tabrez Ansari chhungte sawi danin Ansari leh a \hiante hi Jamshehpur a\angin Saraikela Kharsawans Karsova-ah an zin a, an haw lam chu mipui hian an chenna in an thlen hma km 5 lekah lo manin an sawisa ta a ni
Ansari nupui, Shahista Parveen chuan Muslim a nih vangin zahngaihna tel miah lovin a pasal chu an sawisa niin a sawi a, chhungte dang a neih loh avangin a pasal chu a innghahna awm chhun a ni tih a sawi a, rorelna dik hmuh a duh tih a sawi bawk.
He thil chhui chiangtu, Special Investigation Team chu Home Secrearty leh Chief Secretary te hnenah an report Nilaini-a thehlut tura tih an ni.
AIMIM MP, A. Owaisi chuan BJP leh RSS-in Muslim te an huat avangin inpawng thahna ang chi hi a reh tak tak dawn lo a ni a ti a. Hetihlai hian Jharkhan Minister, CP Singh chuan mipui chil hlum chu Politics lama inchirhtheh nana hman chi a nih loh thu a sawi ve thung a ni.
FactChecker.in a tarlan danin Tabrez Ansari thihna hi kumin chhunga inthahna a thlen \um 11-na a ni a, hetiang thil thleng zinga a tuartu zaa 59 chu Muslim mite an ni a, zaa 28 chu bawng kaihhnawih buaina a ni.
