Rawat chuan demonitisation chuan dik lo taka pawisa hman a tlem zawk a rin thu leh tun dinhmuna an man tawh zat nen ngaihtuah chuan a rin dan chu a dik lo niin a sawi a, inthlan \um dang zawng aiin tunhnaia inthlang state panga-ah dik lo taka sum chelek a nih thu leh man pawh an tam zawk thu a sawi bawk a ni. Puan tawh angin kum 2016 November ni 8 khan PM Narendra Modi-a kaihhruai sorkar laipui chuan cheng 500 leh cheng 1000 note a ti tawp a, hei hian ramchhung hmun hrang hranga pawisa lengvak za zela 80 vel chu hman tlak lohah a chhuah a, hei hi sorkar laipui chuan chhiah awlruk ching te leh dik lo taka sum thup leh chheprelh \hinte beihna tur a nih thu a sawi a, RBI chuan kumin kum tir lamah khan pawisa note tih tawp takte hi an hmu let leh deuh vek niin a lo sawi tawh bawk a ni.
