He thil thleng chungchangah hian Vairengte khawtlang chuan an sum hlohte an hmuhlet theihna tura hmala tur leh an arsa puahsa lo paihsaktute chunga an phu tawk hremna pe tura sorkar phutin nimin Zirtawpni kha an huntiam tawp ni a ni a, an hun tiam tawp niah hian Vairengte arsa zuar association hian an sum hloh zat nia an sawi cheng nuai 6 sing 7 chu kim takin an hmulet a, an hruaitute chuan he sum hi tu pek nge anih an sawi chian loh laiin, arsa paisaktu nia an puh, AMPFA hruaitute chuan sum hi an pek a ni lo tih Zonet zawhna chhangin an sawi.
Hetihlai hian Bawngkawn Police hotute chuan he thil thleng chungchanga FIR thehluh chu case pangngaia ziah luh anih tawh thu Zonet zawhna chhangin an sawi a, a tira mi \henkhat an koh bak man an la awm lo tih an sawi.
Vairengte khawtlang hruaitute leh AMPFA hruaitute hi Trade and Commerce Dept Director chuan nimin khan Aizawlah titipuiin, hetah hian Serlui bialtu MLA Pu Lalrinsanga Ralte pawh hun rei lo te a tel ve a, \hutkhawmnaah hian Vairengte arsa zuarten an sum hloh nia an sawi hi hmuhlet a nih thu sawilan a ni.
Inremna an siam angin Vairengte arsa zuar association chuan Aizawl bazarpui, Bawngkawn bazar leh Vaivakawn bazar ah te arsa an thawn tawh lo ang a, abak Mizoram hmun dangah chuan an thawn chhunzawm thei dawn a ni.
