He inkhawm Aizawl Dinthar venga Health Department Directorate Conference Hall-a neih hi Health Director, Dr. H. Lalchungnunga’n a kaihruai a, a hawngtu Dr. F. Lallianhlira chuan, Mizoramah mipa insiam hi pakhat chauh an la awm tih sawiin, Mizo mipa zingah hetiang tiduh tam zawk an awm theih nan inzirtirna uar zawka kalpui a \ul hle a ni a ti a. Tun hnai maiah hetiang tiduh hi an awm rih lo a nih pawhin a tiduh an awm thulha che chhuak ngal thei turin Department chu an lo inbuatsaih lawk a \ul tih Dr. F. Lallianhlira chuan a sawi a ni.
Zai ngai lova mipa insiam, Non Scalpel Vasectomy tihdan sawifiahtu, Aizawl Civil Hospital Surgery Department Head, Dr. C. Saia chuan, hetianga mipa insiam hi khawvel ram dangah chuan kum engemawzat kalta a\ang khan an lo ching \an tawh niin a sawi a, India ramah chuan kum 1998-ah tih \an niin, Mizoramah phei chuan a lar lo hle niin a sawi a. Hetianga mipa insiamte hian mipat hmeichhiatnaah harsatna an nei zui lo nia sawiin, Non Scalpel Vasectomy hmanga insiam chu a na lova, hun a duh rei lova, thisen chhuak a awm mang lova, \hui pawh a ngai lo tih sawiin, Mizo mipaten intihhmuh thei se a duhawm hle tih a sawi.
Reproductive & Child Health State Programme Officer, Dr. Hmingthanmawii pawhin, tun hma chuan Family planning chu fa nei tlem tura inzirtirna anga ngaih a ni \hin tih sawiin, hei hi thil hriatchian tawk loh vang a ni a. Family planning chu chhangkhat tawk leh nu leh naute hriselna atan hlauhawm lo tawka fa nei tura inzirtirna leh chhungkaw ruahmanna fel tak hnuaia fa nei tura inzirtirna a ni tih a sawi a ni. He beihpuithlakna hi december ni 4 thleng neih a ni dawn a, hetih chhung hian District hrang hrangah pawh mipa insiam tura inzirtina hi neih a ni dawn a ni.
