Prime Minister Jacinda Ardern chuan kar hmasaa pawikhawihna ang chi a thlen nawn tawh loh nan ralthuam hlauhawm, rifle leh sipai hman chi puakrang silai chi te leh a mu te mimal kawl a khap a, he a hmalakna hi US-a silai khuahkhirh thlawptu te chuan an fak hle a, Democratic US Senator te leh Bernie Sanders pawhin US hian New Zealand hnung zuiin silai leh ralthuam hlauhawm chi te a khap ve a ngai a ni an ti.
He khapna dan hnuaiah hian police te hnen a\anga phalna nei lo te tan chuan ralthuam lei theih a ni dawn lo , heng ralthuam kawl mekten an hralh let leh theihna tur buyback scheme pawh puan nghal a ni a, he scheme hnuaiah hian heng ralthuam te hi sorkarin a lei let dawn a, hun tiam pelh hnua heng ralthuam la kawlte chu dollar 4,000 chawitirin, kum 3 lung in tang tura hrem theih a ni dawn a ni.
Kar hmasaa pawikhawihna tuartu mitthi 50 te chu an nihna kimchang hriat a ni tawh a, an chhungte’n thlahna hun hmangin, phum theih tura buatsaih fel an ni tawh a ni.
