Kamram (wafer) chi khat, Nabati chu Health & Family Welfare department-a Food & Drugs Administration (FDA) in fimkhur thilah enfiah turin Kolkatta a EFRAP Laboratory ah sample an thawn. Tunhnai khan Wafer chikhat Nabati hi mi\henkhatin an ei avanga harsatna tawk anga social media a thu thehdarh a awm a, mihringah harsatna a thlen thei anga sawi chungchangah Food & Drugs Administration Joint Director Pu Lalsawma Pachuau chuan, complaint an la dawn loh thu leh Nabati ei avanga harsatna tawk an awm an hriat loh thu a sawi a, hetilai hian complaint dawng lo mahse enfiah turin nimin khan Kolkatta ah sample thawn a nih thu a sawi.
Zawhna chhangin Pu Lalsawma pachuau chuan, Nabati ei avanga damdawiin a enkawl awm anga thuthang pawh an chhuizui nghal thu leh damdawi-in record-ah hetiang mi an awm an hmuh loh thu a sawi a. Nabati chu India a siam leh Indonesia a siam Myanmar kaltlanga Mizoram a rawn lut a awm thu sawiin India a siam nen thuhmun reng a nih thu leh Food Safety and Standards Authority of India pawhin a pawm vek a nih thu sawiin, tundinhmunah mihring tan a hlauhawmna an hriat loh thu a sawo a. social media-a thu thehdarh chu sumdawnna thila inphiarrûkna leh intihchhiat tumna a nih ve theih thu a sawi.
