Assembly Budget Session vawiina \an chu Governor in thu tawite a sawi hnuah coronavirus leng chhuanlama hmangin tun thla ni 26 thleng tihtawp lailawk zui a ni a, sorkar dinglai hian ni 10 chhung hun a la nei dawn niin a lang a. Hetihlai hian BJP chu Supreme Court ah zualko ve nghal bawk.
Jyotifaditya Scindia leh a thurualpui MLA 22 rualin banna an thehluh avangin Madhya Pradesh-a Kamal Nath-a kaihhruai congress sorkar thla 15 chauha upa hi tlu mai tur dinhmunah a ding a, Session \an hma hian Madhya Pradesh Governor, Lalji Tandon chuan Session-ah hian sorkar fiahna hun buatsaih turin a ti a. Chief Minister Kamal Nath chuan Governor chu ram danpui kalh-a Speaker thuneihna huang chhunga thuneih tumah a puh let a ni.
Session \an niah hian Governor chuan thu tawite sawiin assembly a chhuahsan nghal a, state sorkar chu ram danpui zawm turin a duh tih a sawi.
Governor-in house a chhuahsan hnu hian sorkar lai MLA leh eptu pawl BJP te chu house-ah an intawng nasa hle a ni.
Jyotiraditya Scindia hova MLA rual 22 ten banna an thehluh-ah hian Speaker chuan 6 banna chauh a la pawm a, Congress party chuan an MLA hel te hi Bengaluru ah khung behin an awm nia sawiin, hmin let leh theih an la inbeisei a ni.
Congress hruaitu langsar tak ni \hin Scindia hian kar hmasa khan Congress party chhuahsanin BJP a zawm a ni.
