Kaladan Multi Modal Kawngpui India leh Myanmar insumdawn tawnna tur kawngpui laih mek chhunga ram neitu intelkhawm, Lawngtlai District Land Owners Association-a Member \henkhat, Rulkual ram chhunga ram neitu te hian, Compensation kum 2017 a pek tura a tih tawh, tun thlenga pek an la nih loh avanga lungawilovin Nilaini kalta khan kawng laitute hi an hna chawlhsan turin an ti a ni.
Lawngtlai District Land Owners Association President Pu H. Remmawia leh a thawhpui te chuan Rulkual hi tlawhin ram neitute an kawm a, Lawngtlai Police hotute nen pawh thil awmdan an sawiho bawk. Lawngtlai District Land Owners Assn. President Pu H. Remmawia chuan Lawngtlaia Zonet Reporter zawhna chhangin KMMTTP kawngpui sial mekah hian ram neitu mi 303 te hnena Zangnadawmna pek tur cheng nuaih sangnga chuang hret chu Kum 2017 khan Mizoram Sawrkar chuan pek turin a ti a, hemi bawhzui tura mawhphurtute chuan vawiin thlengin an la tih fel sak lo niin a sawi.
