Ram neitu intelkhawm ten zangnadawmna pek an phut vang hian kawng laih hna hi \um tam tak a lo khaihlak tawh a, tun thla ni 13 a\ang khan hnathawktute hi dang leh in, a tuk ni 14 khan Land Owners Association hruaitu mi pasarihte chu an President hovin Lawngtlai Police ten an man a, hnathawktute an dan mek chu an sut lailawk hnuah hemi zan vek hian Police te chuan an chhuah leh a, tunah hian kawng dan tumin ruahmanna an siam leh mek a ni.
Lawngtlai District Land Owners Association hi vawiin khan Lawngtlai Bazar ah \hukhawmin zangnadawmna an nawr chungchanga Sorkar hmalakna chu ngaichan phawt nise an ti a, an duh anga sorkarin hma a la lo anih chuan March thla a\anga hnathawktute dan leh an rel a ni.
Kawngpui sial mek, KMMTTP-ah hian a tirah ram a tihchhiatsak ni a insawi mi 1024 an awm a, thlitfiam anih hnuah mi 303 te chu zangnadawmna la tura thlan an ni a, an lak zat tur nen ruahmanfel a nih hnuah Sorkar chuan a Cancel leh niin ram neitu intelkhawmte hian an sawi a, cancel a nihna thupek chu sut leh turin sorkar an nawr a ni.
