KMTTP road tia sawi, Lawngtlai atanga Myanmar ram pawhtur kawngpui sial mek in a tihchhiat ram neitute intelkhawm, Lawngtlai District Land Owners Association hian zangnadawmna pek phutin kawng laih hna thawktute dan an tum a, Lawngtlai Police ten an president ho hian an man a ni.
Land Owners Association hruaitute hian kawngpui dinhmun enfiah tur nia insawiin, kawng siam mekna hmun hi an pan a, hetihlai hian Police te hian lo manin, an hriselnate endik an nih hnu ah Lawngtlai Police Station-ah an hreng zui a, Police hotute chuan Land Owners Association hruaitute chu thil engemaw thlen thulha man lailawk, Preventive Arrest an tih hmanga man an nih thu an sawi a, hnathawh kallai ti \huanawp zawnga hma an lak vanga hreng an nih thu an sawi.
Hetiang a an hruaitute man an nih hnu hian Land Owners Association hian an hruaitute hren an ni chu lungawi lovin, Lawngtlai Police Station ah vek hian FIR an thehlut ve leh a ni.
KMMTTP kawng laih mekah hian zangnadawmna la pek loh hi ram neitu intelkhawmte sawi danin mi 303 an la awm a, an pawisa hmuh tur hi cheng Nuai 5800 chuang a ni.
