Kaladan Multi-Modal Transit Transport kawng paltlang ram neitu tangrualte chuan compensation lak thuai phut nan naktuk zing dar 6 atangin he kawng hi tiam chin awm lovin an dang ping dawn. Kawngpui an din pin chhung hian he kawngah hian lirthei eng chi mah kaltir an phal dawn lova, kawng siam hnathawktu, RDS Private Ltd. leh Atlanta ARSS te pawh hna thawk turin kal tir an remti dawn lo niin an sawi a ni. Hemi chungchanga thu tlukna hi District Land Owners Association invuahte chuan an Chairman, Pu H. Remmawia hova inkhawmah an lo siam tawh a, zangnadawmna pawisa hi kum 9 chhung zet an lo nghak tawh nia sawiin, he kawng siam zawh hma ngeia zangnadawmna hi pe turin thuneitute an ngen a ni.
