Kaladan Multi Modal kawngpui sial mek chhunga ram neitu intelkhawm, Lawngtlai District Land Owners Association in tukin khan Emergency Meeting neiin, Lawngtlai Bawrhsapin Compensation Draft Award a cancel chu hnuklet leh tura Chief Minister hnena ngen an rel.

Kaladan Multi Modal Transit Transport Project Road Compensation Draft Award chu Chief Secretary hova rorel bawhzuiin cancel vek a ni a, ram neitute hian Budget Session-ah tihfel sak Chief Minister, Pu Zoramthanga’n a lo tiam tawh nia sawiin, Draft award cancel-na thupek chu sut leh tura ngen an rel a ni. KMMTTP kawngpui sial mekah hian ram neitu zangnadawmna diltu, tun thlenga la hmu lo mi 303 an awm mek a ni.