Vawiin khan Afghanistan khawpui Kabul ah thihchilh bomb tihpuah a ni a, thi leh hliam zat puan chian a la ni lo. Police hotu Bismillah Tabaan chuan ring taka bomb puak chu thih chilh bomb a ni tih a nemnghet a, khawi hmun nge a nih tih leh thi leh hliam engzatnge tih chu an la puan chian theih loh thu a sawi. Interior Ministry thupuangtu Najib Danish chuan khawpui chhung Qabl Bai hmunah car hmanga bomb hi tihpuah a nih thu a sawi a, mi 4 an hliam niin a sawi ve thung. President Ashraf Ghani-a’n Taliban te inbiakna neihpui tura a inhawn thu a sawi atanga ni hnihna ah bomb hi tihpuah a ni leh ta a, thla khat emaw lek liamta ah khan khawpui laili takah ambulance hmanga bomb tihpuah avangin mi 100 chuang in nunna an lo chan tawh bawk a ni.
Chanchin Thar Kabul-ah thihchilh bomb tihpuah a ni
