Interior Ministry thupuangtu chuan mi pakhat thihchilh bomb paiin office building bula car-ah a bomb pai a tipuak tih a sawi a, hemi hnu hian hel pawlte chuan office chu an luhchilh a, sipaiin an kahhlum hma darkar 6 chhung office building chhungah an awm tih a sawi.
Office building chhunga awm mi 150 te chu chhanchhuah an ni a, he thil thleng hi hel pawl tumahin an tihah an la chhal lo a ni.
President thlanna neih tura campaign-naah tharum hmanga inbeihna a lo chhuak tawh bawk a, hemi \um hian Amrullah Saleh chuan hliam a tuar a ni.
Afghanistan-ah hian September thlaah president thlanna neih tum a ni a, hemi hmalam hian \um hnih inthlan hun tur an lo sawn tawh a ni.
Afghan President, Ashraf Ghani-a’n an ram chu a ralmuang tawh tih a sawi hnu lawkah he inkahna hi a thleng leh a ni.