Jyotirmoy Dey kahhlum a nih chungchang thubuai kal zelah, Mumbai-a CBI Special Court chuan Chhota Rajan leh a thuihruai mi 9 thiam loh a chan tir

Kum sarih kaltaa Journalist Jyotirmoy Dey kahhlum a nih chungchang thubuai kal zelah, Mumbai-a CBI Special Court chuan pawikhawihtua puh misual rual hotu, Chhota Rajan leh a \huihruai mi 9 thiam loh a chan tir. Chhota Rajan-a fuihpawrhtua puh, journalist dang, Jigna Vora chu he thubuai-a inhnamhnawihna neia puh a nihna chu hlih fel a ni bawk a, Vora hi kum 2011-a chhui a nih khan Chhota Rajan nen hian an lo inbe fo \hin tih hailan a lo ni tawh a ni. Chhota Rajan hi misual hmingthang, Dawood Ibrahim nen pawh inzui nasa tak an ni a, hun eng emaw lai phei chuan Dawood-a kut ke ber te pawh a lo ni tawh \hin a ni. Court chuan thiam loh a chantir-te hi a hrem dan tur a la puangzar lo a, a rang lama a tihchhuah thuai beisei a ni.