Karnataka High Court Chief Justice Dinesh Maheshwari leh Delhi High Court judge, Justice Sanjivv Khanna te hi Supreme Court Cellegium in a thlan chhuah hnuah President Ram Nath Kovind chuan a hming a ziah hnan a, Zirtawpniah rinawmna thu tiamtira lakluh an nih rin a ni.
Heng Judge te pahnih hi Supreme Court Judge-a ruat an nih hmain dan lama thuneitu sangte zingah inhnialna a tam hle a, Justice Sanjay Kishan Kaul-a chuan Justice Khanna hi a la senior tawk loh vang leh amah aia senior zawk mi 32 lai an awm avangin Supreme Court Judge-a hlankai theih a ni lo tih sawi mahse, Supreme Court Collegium rawtna angin heng mi pahnihte hi hlankai an ni ta a ni.
