Junior Engineer Service Association-in vawiina General Conference vawi 4-na an hman chu Chief Minister, Pu Zoramthanga’n a hmanpui a, JESAM member ten an service chungchanga harsatna an tawh mek chu sorkarin a hriatpui thu leh an duh anga siam theih dan a zawng dawn tih a sawi.

Pu Zoramthanga chuan, ram leh hnam hmasawnna thlen turin rilru put hmang thlak thlenga, neitu thinlung pu chunga hna thawk turin JESAm member-te chu a chah a, mipui leh ram intodelh tir chu an sorkar thil tum lian ber a nih thu a sawi. He inkhawm hi an pawl President, Pu PLC Lallawmkima’n a kaihruai a, an member thi te an sun a. Chawhnu lamah ro an rel a, an thurel zingah Non Functional Upgradation nawr chhunzawm te, Service rules nei tura hmalak leh Mizoram Engineer Service Rules hman mek a an chanvo humhim zel te an pass a ni.

JESAM hi kum 2015 khan din a ni a, hetah hian Mizoram sorkar Department hrang hrang a JE te an tel a, member 800 vel an awm mek a ni.