Jamal Khashoggi hi October ni 2, 2018 khan Istanbul-a Saudi consulate-ah rawng taka thah a ni a, Saudi Arabia Lal fapa Mohammed bin Salman chu that tura thu petu nia rinhlelh kai a nih laiin Saudi Arabia chuan Khashoggi fapte 2 leh fanute 2 hi mipui hmaa an pa thah a nih chungchanga an ram sawisel zawnga na taka an \awng loh nan heng in leh pawisa hi a pe nia hriat a ni a, nikum lam khan King Salman hian dan kalha chetna thil pawi tak a thlen thu pawmin, thuphachawinan heng thil te pek hi a lo remti tawh a, Khashoggi thah a nih chungchanga buaina chhuak beng daih nan Lal chhungkua chuan an sum neih an hmang tia sawi nimahse Saudi sorkar hnathawkte chuan tharum thawhna emaw chhiat rupna tawkte sum hmanga \anpui chu an ram tihdan \hin a ni an ti a, tuna Khashoggi fate sum pek hi chutiang ang hmalakna tho a nih thu leh an ka hupnan-a sum pek a nih loh thu an sawi thung.
Jiddah-a bank hnathawk chuan Khashoggi fate zingah Salah chauhin Saudi Arabia-a chen chhunzawm a tum thu leh a unaute chu US-a cheng an nih thu an sawi a, Salah hi Saudi sorkar hnathawkte nena sum chungchang sawipuitu ber a ni. A unaunu te pahnih Noha Khashoggi leh Razan Jamal Khashoggi te chuan an pa, Kamal Khashoggi-a’n Saudi Arabia rorelna kalphung siam\ha tura suangtuahna a hman \hin dan te Washington Post ah an ziak a, an pa chu dan kalha che a ni lo tih te an ziak a, a thihnaah hian Saudi Lal fapa chu an mawhpuh loh thu an sawi thung.
