Ramani hian nikum lama a thuziah-ah a thawhpuite zing ami a laka che mawi lo a awm thu a sawi a, hei hi Akbar hi a ni tih kar hmasa thawh\anni lamah khan Twitter-ah a sawichhuak a, hemi hnu lawk hian hmeichhe dang 11 in Akbar hi an lakah pawh a lo che mawi lo tawh \hin niin an sawi ve leh bawk a ni. Akbar hian puh a nihna te hi pha in, Ramani lakah hian intihmualpho tumna thubuai thawh\anni khan a thehlut a, he thubuai-ah hian Ramani thawhpui journalist dang 20 rual vel chuan Ramani lamah thuhretu-a \an an ngam thu pawh nilaini khan an lo sawi chhuak tawh a ni.
India Today leh The Telegraph Editor te pawh lo ni tawh, MJ Akbar-a banna hi PM Narendra Modi-a thurawn angin President Ram Nath Kovind chuan a pawm a, a banna a thehluh hma hian National Security Advisor Ajit Doval nen an inkawm nia hriat a ni a, BJP-in thlawptu a hloh lohna atana bang nia hriat a ni bawk, Akbar chuan a thubuai thehluh chu mimal taka beih chhunzawm a duh vanga a hna a\anga bang a nih thu a sawi a ni. Hetih lai hian Editors Guild of India chuan thubuai hi hnukkir turin Akbar hi an ti ve bawk a, hmeichhe rualin an thil tawn rapthlak tak an puangzar ngam chu huaisen an tih thu leh thlawp zel an tum thu an sawi bawk a ni.
Thubuai hi vawiin khan Delhi Court-ah ngaihtuah a ni a, tun thla ni 31-ah thubuai chungchanga a thil sawi duh zawngte thehlut turin Akbar hi tih a ni a, a ukil-te chuan Ramani hian Akbar chu a ti hmingchhe hle niin an sawi a ni.
