Malaria veite enkawlna atana hman hydroxychloroquine chu antibiotic nena \angkawpin coronavirus kai te enkawlna atan a hman tlak thei niin France mithiamten chuan an ngai a ni.
Jordan FDA hotu, Dr. Hayel Obeidat chuan hydroxychloroquine chu Pathianni khan Covid-19 veite enkawl nan hman phalna pek a nih thu leh dan anga hei hi tihchian a nih theih United States leh Europe-ah zirchian a nih thu a sawi.
Dr. Obeidat chuan Hydroxychloroquine chu inenkawlna tur zinga pakhat a ni chauh tih sawiin, doctor enkawlna hnuaiah chauh lak tur a ni a ti a, invenna tura ei chi a ni lo tih a sawi.
Dr. Obeidat chuan he damdawi hi Covid-19 veite zingah pawh a na zual tan te chauh hman a ni rih ang tih a sawi a, mipuiten anmahni thua he damdawi hi an ei loh nan damdawi zuarte chu mipuite lei tir lo turin an chah tih a sawi bawk.
Jordan Health Minister, Dr. Saad Jaber chuan an ramah Pathianni zan khan Covid-19 kai thar mi 112 an awm belh tih a sawi a, sorkarin inkhung hranna tura a siamah Amman khawpui leh Dead Sea-ah mi 5,000 vel khung hrang mek an ni a ti bawk.
