Nakkuma Assembly inthlan lo awm turah Chakma candidate nei lo tura Joint NGO Coordination Committee-in Political Party hrang hrang a lo ngen tawh angin party pahnihin Chakma candidate neih an tum loh thu an tichiang tawh. Nimin chawhnu khan Joint NGO Coordination Committee hi MUP General Headquarters-ah an \hu khawm a, nakkuma Assembly inthlanna turah Zoram Nationalist Party leh Mizoram People Conference party-ten Chakma candidate siam an tum loh thu an thlen tawh tih tarlan a ni a, Party \henkhat thutlukna la siam thei lo an awm thu tarlan a nih rualin, anni pawh hian thutlukna an neih theih thuai an beisei thu te, BJP Mizoram a\anga chhanna an hmu lo chu an ngaih thiam loh thu sawiin, hun lo kal zel turah Mizoram leh hnam dah pawimawh hmasa turin BJP chu an ngen nawn leh a ni. NGO aiawhte \hukhawm chuan, tun thla ni 28-a Delhi Mizo Zirlai Pawl-in dan lova lo l<tte dodalna lantirna an buatsaih tur an thlawpna lantir tura an ngenna chu tihhlawhtlin an remti a, he lungawilona lantir rual hian Aizawlah lungawi lohna lo lantir ve ni se an ti bawk.
