Vawiin punkhawmna hi Central YMA Vice President Pu R Lalngheta’n a kaihruai a, Joint NGO Co Ordination Committee Chairman Pu Vanlalruata chuan CAB16 pass a nih lohna tura theihtawp an chhuah chunga Sorkar laipuiin pass tuma hma a la la zui zel chu hriatthiam har a tih thu a sawi a, Mizo te chu hnam tlem te an nih vang leh midang chunga \hat an chhuah lutukna chu an zuam phah ta nia a hriat thu a sawi a. Buaina duh loh mah se a tul chuan an hmachhawn ngam tih a sawi. Pu Vanlalruata chuan, central sorkar hruaitute hriat tura sap \awnga thusawiin, India tana zalenna sual a nih lai kha ngaihtuah let ula, inrahbehna leh inhnehchhiahna in duh lo a, zalenna hmuh a nih thlengin insual anih kha, keini pawhin in tih ang chu kan ti ve dawn a ni. Kan thisen hi Mizo thisen a ni a, India mi kan nih na erawhchu dan hnuaiah a ni’ a ti.
Pu Vanlalruata chuan CAB16 Pass a niha hmang \angkai thei tur Mizo ni lo, mizote let tam tak an awm tih a sawi a, hetihlai hian ramri vengtu awm lo ang maiin Mizoram leh \henawm ram inrina laite chu a awng hiau huau si a ni a ti a, CAB chu Hindu lal ram din tumna a ni a ti a, CAB 16 ah hian a tirah chuan Hindu chauh huamtir an ni a, hlauhthawnna a awm leh avangin a huang an ti zau leh ta chauh a ni a ti bawk.
MZP President Pu L Ramdinliana Renthlei pawhin CAB putluh tirh a\angin NESO angin dodalna lantir nghal a nih thu a sawi a, Rajya Sabha a pass a nih theih nan BJP in theihtawpin MP te pawh leitumin nasa takin hma an la niin a sawi a, MP leikhawm hmangin in bill hi pass a nih a hlauhthawn thu a sawi.
Pu L Ramdinliana Renthlei chuan, CAB Pass a nih lohna turin NGO hmalakna in thheihtawpa hmalak a nih thu a sawi a, hetichunga Sorkar laipuiin pass tuma hma a la chu India sorkar hian Mizo te a ngaihpawimawh loh zia a ti chiang hle nia a hriat thu a sawi.
Pu L Ramdinliana Renthlei chuan, CAB dodala hmarchhak state hrang hrang ten lungrual taka hma an lak theih laia Mizoram a pawl, party leh mimal te an lungrual ve thei lo chu hnam anga inenfiah a ngai hle niin a sawi a, Joint NGO anga hmalakna Political Party thenkhatin sawi selin ham\hat lak tuma hmala an awm niin a sawi a, hei hi hnam tan a pawi thei dawn tih sawiin lungrual taka ke pen chu ram leh hnam tan thil \ha ber zawk a ni a ti.
Pu L Ramdinliana Renthlei chuan, CAB Parliament a pass a nih lohna atan theihtawp chhuanin hma an lakna in awmzia a neih loh avangin Pathian auh chu an tih theih awmchhun a ni ta niin a sawi a, Mizo mipuite chu theihtawpa Pathian au turin a sawm a ni.
He inkhawmah hian MHIP, MSU leh MUP aiawh ten thu an sawi bakah \awngtairualna hman a ni bawk.
Hetihlai hian CAB duhloh lantirna hi District hrang hrangah huaihawt a ni ve lova, hei hi information an dawn tlai vanga inbuatsaihna hun an neih loh vang a ni a, Joint NGO hmalakna chu an thlawp thu an sawi hlawm.
