He inkhawm hi JERC Chairperson Pu Lalchharliana Pachuau-in a kaihruai a, eng chhitu mipuiten dikna leh chanvo an neih te, eng \ha zawk an hmuh theihna tura mawhphurhna an neih te leh eng an hmuh dana lungawi lohna neite zualkona hmun tur te a sawifiah a, JERC-a Assistant Chief Engineer Pu H Thanthianga’n eng chhit man bithliah dan leh eng chhit man san \hinna chhan te a sawifiah bawk. JERC hotute chuan kuminah mipuiten eng chhit man tlem zawk an chawi theih nana sum sen zat tur sorkarin a ruahman chu cheng vaibelchhe 115.95 a tling niin an sawi a, hei hi a kum tela tih hniam zel tum a ni a, kum kalta khan mipui eng chhit man sorkarin a tumpui zat chu cheng vaibelchhe 120 vel a nih laiin, kuminah erawh vabelchhe 115.95 velah a tlahniam tih an sawi a, renchem taka power hman anih chuan mipuiten man tlawm zawka an dawn theih dawn avangin power renchem turin an sawm a ni.
Electricity Consumer Awareness Workshop-ah hian Lunglei Power Circle Superintending Engineer, Pu H. Zoliana leh Lunglei Power Maintenance-a Executive Engineer, Pu Zothansanga-te pawhin thu an sawi a, mipuite zawhna an chhang nghal bawk.
