J&K MLA-in mi firfiakte unau leh martar angin sawi

J&K-a rorel lai, Peoples Democratic Party MLA, Aijaz Ahmad Mir chuan mi firfiak pawlte chu an unau, an rinna avanga martar, an thihna erawh chawimawi tlak loh niin state Assembly-ah a sawi. Mir-a thusawi hian sawi a hlawh hle a, mi firfiakte, unau leh martar anga a sawi chungchang hi thuthar la khawmtute’n an zawh pawhin, a rilru taka unau anga a pawm thu leh martar an nih ngei thu te, sipai thite leh an chhungte pawh thinlung taka a tuarpui tho thu te-in a chhang a, nimin pawh khan Kashmir buaina ching fel turin, sorkar leh inlak hran duhtu pawlte pawh inbia se a duh thute a lo sawi tawh bawk a ni. Mir-a thusawi hi BJP leh a thawhpui, PDP chuan an dem hle a, a firfiaka chetna chawimawi tumna nia sawiin, Pakistan pawi khawihnaa thite leh an chhungte zah lohna lian tak niin state BJP hruaitu, Ravinder Raina chuan a sawi.