Thuneitute chuan bus hi kawng nal laia a tleng vanga chesual niin an sawi a, feet 300 vela thuk kurung-ah a tla a ni. Kishtwar Police hotupa, Rajinder Gupta sawi dan chuan bus-ah hian mi 30 vel an chuang a, mi 13 vel hliam zingah mi 8 dinhmun ngaihtuahawm tak tak an awm bawk a, helicopter hmangin hliamte hi damdawiin panpui an ni. Kishtwar DC chuan thi chhungte hnenah hian zangnadawmna cheng nuai 5 \heuh pek a nih tur thu leh hliamte hnenah cheng sing nga \heuh pek a nih tur thu a sawi bawk a ni.
