J&K-a Inrinni-a Police pakhat thah a nih chungchangah ISIS mi firfiak pawlte chuan an thiltih nih thu leh India hmar lama indona an tan thu an chhuah. J&K Police hotu, SP Vaid chuan ISIS mi firfiak pawlte an state chhunga an awm thu hi an lo hriat tawh thin thu leh thil ngaimawhawm tak a ni tan tih a sawi a, ISIS mi firfiak pawl zawmtute hi tam tham la ni lo mahse, hmun tlem te-ah he firfiak pawl kalphung lo zawmtu thenkhat chu an awm ngei tih a sawi bawk a, mi firfiak pawl thi ta te vuina-ah pawh ISIS puanzar an lo hmu zeuh zeuh tawh thin tih an sawi bawk a, hei hi thuneituten J&K vela ISIS mi firfiak pawlte awm thu an nemngheh tum khatna a ni a, nikum November thla khan Zakura -a Police Station beihna kha ISIS te hian an tihah lo chhal tawh mahse, Police-te chuan an lo pawm lo tawh a ni. Vaid hian Inrinni-a pawikhawihtu kha tunge a nih an hriat tawh thu leh an chhui mek thu a sawi bawk a ni.
Chanchin Thar J&K-a police thahna ISIS-in an tihah chhal
