Kum 24 mi Shams Tabrez hi motorcycle ru-a puh a ni a, mipuite pungkhawmin Shams Tabrez hi Thawhlehni tlai khan an man a, ban pakhatah \awn betin, darkar 7 chhung vel zet kut an thlak rawn a, Nilaini tuk khan nikhaw hre lova a awm tak avangin Police te kutah hlan a ni chauh a ni. A kutthlaktu mipui pungkhawmte hian ‘Jai Sri Ram’ tih lei Jai Hanuman’ te an tih luih tir a, kut an thlak lai video thlalak hi a darh nasa hle.
Tabrez-a chhungte chuan police te hmalak dana an lungawi loh thu sawiin, a kutthlaktu mipuite bakah police te lakah thubuai ziahluh an phut thu an sawi. Shams Tabrez-a hi damdawiin-a hruai anih hnuah Seraikela Jail-ah dahluh a ni a., a dinhmun a \hat loh zual zel avangin Sadar Hospital ah dahluh a ni a, damdawiin-ah hian a thi a ni.
