Naresh Goyal-a kaihhruai Jet Airways hian leiba cheng tld 1 a nei mek a, bank, supplier leh thlawhna man neia hawhtirtu te hnenah sum pek tur te hi a hunah pe thei loin hun khirh tak a tawk mek a, ni khata vawi 450 thlawhna thlawh chhuah tir \hin khan tunah chuan thlawhna 150 chiah a thlawh chhuahtir thei tawh a, kar hmasa khan inremna lailawk siamin State Bank of India kaihhruai sum puktirtute te’n, investor mumal a hmuh hma chu cheng vbc 1,500 puktir an remti a ni. Jet Airways pilot te intelkhawmna National Aviators Guild thuchhuah-ah chuan he sum hi March ni 29 khan semchhuah tur a nih laiin tun thlenga hma lak a la nih loh avangin Mumbai leh Delhi-a pilot te chuan March ni 31 thleng nghakin, an hlawh hi pek an nih loh chuan April ni 1 a\angin hna thawk loin an nuar dawn tih a an sawi.
National Aviators Guild chuan December-a an hlawh za-a 87.5 leh January leh February-a an hlawh pumpui pek an nih loh avangin sorkar department hrang hrang leh Prime Minister Office te chu hma lak sak turin an lo ngen tawh \hin a ni.
