Japan rama India mi lut chho, hren lailawkte zinga pakhat a intihhlum avangin India mi hren mek mi 40 chuang ten lungawi lohna lantirin chaw an nghei

Japan rama India mi lut chho, hren lailawkte zinga pakhat a intihhlum avangin India mi hren mek mi 40 chuang ten lungawi lohna lantirin chaw an nghei. Lungawi lohna hi Pathianni a\ang khan an lantir \an a, hemi hmalam Zirtawpni khan kum 38-a upa India mi chu hren lailawk an nih mekna, Tokyo hmar lam Ibaraki Immigration detention centre ah a intihlum a ni. A intihhlum chhan hi Japan thuneituten a dinhmun tur an tih chian har lutuk avanga rilru lama buaina a neih vang nia sawi a ni. Japan thuneitute chuan chawngheia lungawi lohna lantirtute hian thu delh kilh awm lova chhuah tir an phut tih an sawi. Japan hian ram dang a\anga lut turte khuahkhirhna dan khauh tak a hmang a, ral tlan-a luh dilna 20,000 zet zingah nikum chhung khan 20 chauh phalsak an ni. Japan sorkar chuan Japana raltlan diltute zinga a tam ber chu sum leh paia harsatna vang a ni an ti a, hetihlai hian UN chuan dinhmun hlauhawma ding ngeite tan pawha luh hleih theih loh turin Japan dan hman hi a khirhkhan niin a sawi thung.