Japan ram sorkarin Nissan Chairman hlui Carlos Ghosn chu sum ti chingpenah puhin thubuai an siamsak a, Ghosn hian kum 5 chhung zet a hlawh a zep \hen niin an sawi.

A hlawh zepru-a puh anih avang hian December ni 30 thleng chu thuneituten an hreng dawn a, Ghosn hian amah puhna te hi thu dik lo niin a sawi thung a, sorkar lam aiawha he thubuai buaipuitute chuan Nissan pawh thubuai an siamsak tel a ni. Ghosn hi he thubuai vang hian November thla khan man a lo ni tawh a, thuneituten an hren theih hun chhung chu vawiin khan a tawp a, December ni 30 thlenga hren zui theih turin a thubuai hi ziah luh nawn a ni leh ta a ni. A ukil te chuan Ghosn-a puhna te hi thu dik lo, a hlawh nena inzawmna nei lo a ni a, hun kal zel tura a hlawh tura ruahman, a taka a la lak si loh a ni an ti.