Japan ram lal, Emperor Akihito-a’n kum 2019, April ni 30-ah lal\hutthleng a kalsan dawn niin PM, Shinzo Abe chuan a sawi a, hei hi kum 200 chuang hnua khawvela lal chhungkaw ding mek zinga upa bera ngaih, Japan lal chhungkua hetiang thil a thlen vawi khatna tur a ni a, Shinzo Abe chuan hemi chungchanga thutlukna siam a nih dan chu lungawithlak a ti hle niin a sawi. Kum 83 mi, Emperor Akihito-a hian a lal\hutthleng a kalsan tukah a fapa upa ber, kum 57 mi, Crown Prince Naruhito-a chuan lal thutthleng, Chrysanthemum Throne tia vuah hi a luah nghal rin a ni a, Japan PM chuan heng hun pawimawhte hi ropui taka an lawm theih nan sorkarin a theihtawp a chhuah dawn tih a sawi. Puan tawh angin, nikum khan Japan ram lal hian a upat tawh avang leh a bawrhsawm avangin lal\hutthleng kalsan a duh thu hi a sawi a, hei hian Japan mipuite a \hawng hle a ni.
Ram Pawn Japan ram lalin 2019-ah lalthutthleng kalsan dawn
