Japan ram khaw thlang lamah ruah sur nasa leh tuilian vanga nunna chan zat chu 100 chuang an ni tawh tih sorkar thupuangtu in a sawi.
Mi 50 chuang chin hriat lovin an la bo mek tih Japan Times chuan a ziak pawh a, Ningani kalta a\ang khan Japan khaw thlang lamah hian ruah nasa takin a sur a, kum danga July thla puma ruahtui tla \hin let thum vela tam ni 3 chhung vel lekin a sur hman a, ruah sur nasa hian nasa takin tui a ti lian a, mi maktaduai 2 zet chu hmun him lamah an insawn chhuak tawh a ni. Japan rama khaw chin zirmite chuan hetianga ruah sur nasa hi an la tawng ngai lo tih an sawi. Thuneitute chuan tui chim chin hi a tla hniam hret hret zel tih an sawi a, rei lo teah chhanchhuah hna thawktuten mumal zawka hna an thawh theih an beisei tih an sawi. Shikoku thliarkara Motoyama khuaah chuan Zirtawpni zingkar a\anga Inrinni zing inkarah ruah mm 583 a tla hman a ni.
