Japan Police in pa pakhat, kum 73 mi, a fapa kum 20 chhung zet bawma khungbettu an man

Japan Police in pa pakhat, kum 73 mi, a fapa kum 20 chhung zet bawma khungbettu an man. He pa, Yoshitane Yamasaki hian a fapa, tuna kum 42 mi ni tawh hi a rilru a buai avang leh a chang chuan tharum thawh zawnga a chet \hin avangin hetiang hian a khung bet ta mai niin a insawi a, a khungna bawm hi metre 1-a sang, metre 2-a zau a ni a, an in bul chhek in ah kum 20 chhung zet a lo dah tawh a ni. Hetianga bawm tawta khung beh a nih avang hian a fapa zang hi a kul vek tawh a, thuneituten an enkawl mek a, chanchinbu \henkhatin an ziah dan chuan Japan khaw thlang lama sorkar enkawl hmun pakhatah January thla a\ang khan thuneituten a fapa hi an enkawl sak a ni. He thil thleng chhuichiangtute chuan Yamasaki hian a fapa hi kum 16 mi a nih a\angin hetiang hian a khung bet chho ta niin an sawi a, Amah Yamasaki pawh hian a fapa hi a khung ngei tih a pha lo a, nitin chaw pe in, a inbual pawh a phalsak \hin niin a insawi.