Japan ramah thla leh khian Parliament inthlanpui buatsaih tum a nih avangin PM, Shinzo Abe-a chuan vawiin khan Parliament in pakhat, House of Representatives a \hiat. Puan tawh angin, Thawh\anni khan Japan PM hian a hun hma kum khatah inthlanpui neih a nih tur thu a puang a, Korea ram leh a chhehvela buaina a punlun zel avang leh, mipui ngaihdan laknaah rorel lai pawl dinhmun a \hat avangin, PM hian sorkar ngelnghet zawk siam theih a beisei nia ngaih a ni a, inthlanpui neih hun tur hi sawi chiang nghal lo mah se, thla leh ni 22 hi a nih mai rin a ni. Kum 2012-a Japan PM atana thlan tlin, Pu Abe-a leh a pawl, Liberal Democrat Party chuan an ram rorelna in pahnih, The National Diet tia vuah chu kaihruai mek a, kumin kum tir lam khan Pu Abe-a hi a chhungkhat lainate hleihluak taka duhsaka puh a nih avangin sawisel a hlawh hle a, amaherawhchu North Korea-in tun hnaia he ram chunga missile vawi hnih a kah leh, nuaibova Japan a vau chungchanga Pu Abe-a ngaihdan leh thil tih dan chu mipuiin an thlawp hle a, kar hmasa lama Nikkei chanchinbu-in mipui ngaihdan a laknaah chuan za zela 44-in Shinzo Abe-a kaihhruai, LDP chu vote an tum thu an sawi a, za zela 8 chauhin eptu pawl lian ber, Democratic Party chu an vote tur thu an sawi a ni.
Chanchin Thar Japan Parliament PM-in thiat
