He lawng liana chuangte zingah coronavirus kai tam tak hmuh chhuah an nih avangin ni 14 chhung hren an ni a, ni 14 ral hnuah khualzinte zinga an hriselna dinhmun ngaihtuahawm lo te chu chhuahtir \an an ni a, India mi 8 te dinhmun chu a \ha chho zel a ni.
Diamond Princess lawng lian hi Yokohama lawngchawlhna, Tokyo bulah february ni 3 a\ang khan dah hran a ni a, a chhunga chuang pasenger 3711 te zingah hian India mi 138 an tel a, 132 te chu lawnga hnathawk an ni. India mi te zingah hian virus vanga enkawl zui mi 8 an awm a ni.
India palai chuan Japan sorkar hotute nen India mi te chungchang hi uluk taka vil a ni tih a sawi a, Japan Chief Cabinet Secretary Yoshihide Suga chuan passenger tam tak chhuahtir an nih tawh hnuah mi 1000 vel chu lawngah hian hre zui an la ni rih dawn tih a sawi.
Hetihlai hian China-a hian coronavirus thihpui zat chu mi 2,236 an awm tawh a ni.
