He thil thleng hi tualchhung sanaa zinglam, hnathawkte leh naupangte’n pisa leh school an pan hunlaia thleng a ni a, pawikhawihtu hianbus dinnaa bus chang mi engemawzat a vih hnuah police te koh an ni a, man tuma an beih lai velin a intihlum a ni. Police te sawi dan chuan beih tawk zingah hian hmeichhia leh naupang engemawzat an tel a, hmeichhe naupang pakhat kum 12 mi leh mipa kum 39 mi vihhlum a ni bawk a ni. Pawikhawihtu hi kum 50 bawr vel a ni a, pawi a khawi chhan hi hriat a la ni lo a ni.
Police te chuan pawikhawihna hmun hi kaltlang theih loha siamin an ping rih a, Emergency hnathawkte’n hliam te an enkawl a, St Marianna University School of Medicine chuan hmeichhe pakhat 40 bawr vel leh hmeichhe naupang 3, kum 6 mi te chuan hliam na tak an tawrh thu an sawi a ni.
Tharum thawh zawnga buaina thlen tlemna ram Japan-ah hian naupang te hi an nu leh pa te tel lovin anmahniin school an kai fo \hin a, thil thleng hian mipuite a \hawng hle a, Japan Prime Minister Shinzo Abe chuan thil thleng hian a rilru a tibuaiin a thinrim thu a sawi a, thi chhungte a tawrhpui thu leh hliam te a rang thei ang bera an dam a beisei thu a sawi a ni.
