Dr. Thangtea hian, Zemabawk Cancer Hospital a, ‘Cancer hemna khâwl kum 25 chuang hman tawh thlakna tur cheng vaibelchhe 10 chuanga lei a nih thu a sawi a, JICA puihna-a ‘Cancer Speciality Hospital’ din tur hian cheng vaibelchhe 500 ruahman a ni tih a sawi.
Vawiina an party office Mizo Hnam Run inkhawmah Dr Thangtea hian Mizorama Health Sub Center te chu Health & Wellness Centre-ah hlankai chhoh mek a ni a ti a, Health Sub-Centre 50 vel chu tichangtlung turin nikum khan hma lak \an a ni tawh a, Health Sub-Centre 300 vel chu kum 2023-ah chuan Health & Wellness-ah hlankai hman tum a ni a ti. Health & Wellness Centre te hi nurse zirchhuak panngaite ni tawh lovin B.Sc. Nursing ten an enkawl ang a, hmanraw \ha zawk leh khum te pawh dah a ni ang a, damdawi pawh hnianghnar zawka dah tum a ni ang a ti.
A ngenna ngai pawimawha mimal damdawi in \henkhatin Mizoram Health Care scheme an zawm ta chu lawmawm a tih thu Dr Thangtea hian a sawi a, Health Care Scheme chu sorkarin SEDP-a a dah tawh, mipui ten kum 1 ah cheng nuai 2 thleng an bill theihna tur a ni a ti a, he scheme hnuaiah hian mipui ten dam loh nikhuaa inenkawlna kum 5 chhungin cheng nuai 10 thleng an bill thei a ni a ti.
Higher and Technical changtu nibawk Dr Thangtea hian MZU southern Campus din turah a hmun tur ram pek bak Mizoram sorkarin sum a sen a ngai dawn lo tih a sawi a, a taka bul\an thuai a nih theih dan tur MZU hotute nen an sawiho dawn tih a sawi bawk.
