Ram pahnih hruaitute hian India leh Pacific tuipui chhehvela venhimna tih hmasawn dan tur te leh nuclear ralthuamin remna leh muanna a tihchhiat dan te an sawi bakah, lawng sipai thawhhona tur leh rel chak chi siam belh dan tur te leh Asia khawmualpuia China chak filawr lutuk venna atana sumdawnna leh sipai kaihhnawih thila ram pahnih thawhdunna tih changtlun zel dan tur te an rel bawk a ni. Modi leh Abe te hian ram pahnih inkarah 2+2 Dialogue neih ve an rel a, hei hi ram pahniha Foreign Minister leh Defence Minister-te paliin inbiakna an neih dan a ni a, thu eng emaw zat an thlung \hin a, thla hmasa lawk pawh khan US leh India-te chuan 2+2 Dialogue hi an lo nei tawh a ni. Modi-a’n Japan a thlen hma hian Abe zawk hian China a tlawh a, Beijing khawpuiah China Premier Li Keqiang leh President Xi Jinping te hmuin, ramri inchuhna lai hmun te leh henglai hmuna sipai chakna thuam belh chungchang te a sawipui a ni.
