Jaish-e-Mohammed mifirfiak te kuta sipai 40 zet an thih hnuah state chhungah, bik takin Kashmir phairuamah boruak a \ang hle a, police te leh sipai te hian zankhuain beihpui an thlak a, sipai tam zawk thawnluh belh zel a ni bawk. Tun kar khan Jaish mifirfiak 3 kahhlum an ni a, an zinga pakhat chu Pulwama beihnaa bultumtu leh bomb siamtu nia rin a ni a, Muslim mi, inlakhran tum pawl mi leh sa te venhimna pek \hin pawh hnuhlet a nih hnuah Yasin Malik-a leh Jamaat-e-Islami mi leh sa te chu an hotu Abdul Hamid Fayaz tiamin man an ni tawh bawk.
Jammu leh Kashmir CM hlui, PDP president Mehbooba Mufti chuan sorkar laipui thupeka heng mi te man an ni chu chhan mumal awm lo nia sawiin a sawisel a, People’s Conference hotu Sajjah Gani Lone chuan kum 1990 khan tun ang hian mi tam tak man an nih hnuah state chhung dinhmun a hma aiin a chhe zawk a ni a ti a, tuna sorkar laipui hmalak dan chuan rah \ha aiin thil \ha lo a thlen zawk dawn a ni a ti.
