Lone chuan State Assembly-ah thlawptu an ngah ber zawk niin a sawi a, hei vang hian sorkarna siam thei dinhmunah an ding tih pawh thuneitu lamah an hriattir thu leh fiahna hun siam a nih tak loh zawk thu a sawi bawk a ni. Puan tawh angin BJP chuan PDP a thlawpna a hnuhdawh hnuah sorkarna siam thei an awm lo a, PDP hian National Conference leh Congress-te phungbawm sawmin sorkarna siam an tum a, mahse nilaini khan state larsap Satya Pal Malik chuan Assembly hi \hiat ta a ni. PDP hian an thawhpui party-te nen hian MLA 56 an nei niin an sawi a, hemi ni vek hian People’s Conference hian BJP MLA 25 nen belhkhawmin MLA 45 thlawpna an nei niin an sawi ve bawk a ni. J&K Assembly-ah hian seat 87 a awm mek a, Election Commission chuan nilaini khan thla ruk chhungin inthlanpui buatsaih tum a nih thu a sawi a ni.
