Kargil-a vantlang inkhawmah thusawiin Governor chuan heng mite hian anmahni pawl mite vek, personal security officer leh special police officer an that vak vak \hin chu mak a tih thu sawiin, an thah chhan a hriat loh thu leh Kashmir-a eiruk ching politician te chu that zawk awm an nih thu a sawi a ni.
Governor hian thu a sawi zawh hnuah ama thusawi vek hi sawifiah leh tumin, Kashmir-a khuahkhirh zawh loh khawpa eirukna a hluar lutuk chu a manganpui em vang leh beidawnthlak a tih vanga he thu hi sawichhuak niin a in sawi a, a thusawi chu Governor a nih anga sawi a nih loh thu leh, a mimal ngaihdan erawh a nih thu a sawi a, Kashmir-a political party hruaitute leh ram roreltute chu eiruknaah nasa takin an inhnamhnawih a ni a ti bawk.
J&K Governor hian hian Kashmir-a politics hruaitute chu eiruah a lo puh fo tawh a ni.
