J&K Home Deptt.-in khualzin miten J&K an tlawh theihna tur thupek hi Governor Satya Pal Malik ngenna angin Nilaini khan a tichhuak a, order-ah chuan khualzinte chu a mamawhna zawn \heuhah \anpuina pek an ni dawn tih a chuang bawk a ni.
Thla hnih liam ta khan sorkarin Jammu & Kashmir-a sakhaw hmun thianghlim tlawhtute leh khualzin mite chu J&K chhuahsan vek turin a lo hriattir tawh a, khualzin mi, hmun thianghlim tlawhtute, zirlai leh hnathawk mi sang chuangte chuan August thla tir khan J&K an chhuahsan a ni.
Hetihlai hian J&K Tourist Deptt. chuan J&K tlawhtu mi 20,000 a\anga 25,000 vel Kashmir phairuamah an awm mek tih a tarlang a ni.
Hetihlai hian J&K thuneitute chuan August ni 5 a\anga pawnchhuak thei lova a hren politician 3, Yawar Mir, Noor Mohammed leh Shoiab Lone te a chhuah zalen a ni.
Yawar Mir hi Peoples Democratic Party MLA hlui a ni a, Rafiabad assembly a\anga thlantlin a ni. Shoiab Lone hi Congress ticket-in Kashmir hmar lamah a chuh a, a tling zo lo va, district-a an party president a nihna a\angin a bang zuia ni. Noor Mahammed hi National Conference worker niin, Srinagar-a Batmaloo chhehvelah an party a enkawl a ni.
Chief Minister, Farooq Abdullah, Omar Abdullah leh Mehbooba Mufti te erawh hren chhunzawm zel an la ni.
