He bus hian Keshwan a\angin Kishtwar a pan a, Sirgwari-ah kawng sir a dai sual avangin ruamah a tla lut a ni. Hliam zinga mi 3 te chu Jammu damdawi in panpui nghal an ni a, hliam dangte chhanchhuak turin helicopter tirh belh a ni bawk.
J&K Governor, Satyapal Malik chuan thi chhungte a tawrhpui thu sawiin, zangnadawmnan cheng nuai 5 \heuh pek an ni dawn tih a puang a, hliamte chu a \ha thei ang bera enkawl turin sorkar a hriattir bawk a, chetsualna thlen chhan hi chhui chian nghal a nih tur thu a sawi.
Prime Minister, Narendra Modi pawhin Jammu & Kashmir-a chetsualna thleng chu pawi a tih thu Twitter-ah a tarlang a, mitthi te a sun thu leh an chhungte a tawrhpui thu te, hliamte chu dam leh vat tura a duhsak thu te a tarlang a ni.
